Gaur zaintzen dudan umearekin egon naiz eta berarekin nengoela, konklusio batera heldu naiz: “Umeei ezertarako balio ez duten jostailu gehiegi erosten dizkiegu”.Izan ere, erosten ditugun jostailu gehienak erabilera bakar bat izaten dute, hau da, objektu hori erabiltzeko modu bakarra egoten da, horregatik, umearen sormena garatzeko leku gutxi uzten dute eta bestalde, jostailuak programatuta daude umeek, helduek hautatutako zeregin bat betetzeko, beraz, haien autonomia murrizten dute. Gainera, haurrak berehala aspertzen dira dituzten jostailuez eta horren ondorioz beste bat eskatzen dute, haien beharrak asetzeko asmoarekin.
Arrazoi honegatik, haien jostailuak haiek eraikitzea ideia egokiena iruditzen zait. Hala ere, honek ez du esan nahi merkatuan jostailu onik ez daudenik, soilik gehienak ez dutela umearen sormena zein autonomia bultzatzen. Gainera, umeak haien jostailuak sortzen badituzte, haien garapenerako onuragarriak diren gaitasunak barneratuko dituzte. Adibidez, haiek eraikitzen dutenean arauak haiek jartzen dituzte, hau da, jostailuaren erabilera posibleak umeek erabakiko eta aldatuko dituzte. Psikomotrizitate fina, koloreak, ehundurak, material ezberdinak, sormena… landuko dute. Eta oso garrantzitsua dena ere, haiek egindakoa gehiago preziatzen eta baloratzen dute, beraz, haien jostailuak hobeto zaintzea lortuko dugu. Horrelako ariketak, haurren autonomia bultzatzen dute eta sortzen zaizkien zailtasunei aurre egiteko kapazagoak izango dira bai momentuan, baita etorkizunean ere.
Beraz, animatu zaitezte zuen umeekin batera jostailuak eraikitzera!
Ideiak hartzeko hemen uzten dizkizuet helbide batzuk:
No hay comentarios:
Publicar un comentario