Emaitza ezberdinak topatu nahi badituzu, ez ezazu beti berdina egin!

Gaur, lagun baten etxean nengoela, Albert Einsteinen esaldi honekin topo egin dut. Izan ere, bere etxeko edalontzi batean idatzita zegoen eta zuekin elkarbanatzea interesgarria izan zitekeela pentsatu dut.

Askotan, bizitza aldaketa baten zain gaude, baina sarritan, besoak gurutzatuta geratzen gara, geure eskutan bakarrik dagoen aldaketa noiz agertuko zain. Egoera hau errepikatzearen arrazoietariko bat, beldurra izaten da, aldaketa eta erratzearen beldur. Horregatik, gizakiok bide errazena hartzen dugu, hau da, ezaguna zaigun bidea, lehenago egindakoa eta aldakuntzarik ekarriko ez duen bidea.
Beraz, blog honetatik, animatzen zaituztet emaitza ezberdinak topatzera, hau da, zuei zoriontsu egiten dizuen bidea aurkitzera!

Bestalde, Albert Einsteinen esaldi kurioso gehiago irakurtzeko gogoak badituzu, helbide honetan sar zaitezke:

http://www.frasedehoy.com/call.php?file=autor_mostrar&autor_id=20

http://www.proverbia.net/citasautor.asp?autor=327