Telebista ikusten nengoela, txikitan ikusten nuen Art Attack programarekin topo egin dut. Zelako oroimen politak ekarri dizkidan!!
Bestalde, egia da, gaur egun telebistako programa asko, nahiz eta umeentzako egindakoak izan, ez direla guztiz egokiak haientzako. Batez ere, telebista aurrean modu pasiboan mantentzen dituelako eta baita erakusten dituzten baloreengatik ere. Horregatik, garrantzitsua iruditu zait nabarmentzea salbuespenak daudela, hau da, eskaintzen dizkiguten programa batzuk gure umeentzako egokiak direla.
Izan ere, Art Attack umeen sormena sustatzeko oso egokia dela pentsatzen dut. Batez ere, material gutxi batzuekin gauza ederrak sortu daitezkeela konturatzen garelako. Gainera, eskulanak bideratzeaz gain, modu ludiko batean, umeentzako oso egokiak diren gaiak jorratzen ditu. Modu honetan, umeen adimen ezberdinak garatzeko aukera ematen du. Beraz, jakin ezazue egokia dena hautatzen eta anima zaitezte Art Attack moduko programak zuen umeekin batera ikustera!
Hemen usten dizkizuet programa honen bideo zati batzuk:
No hay comentarios:
Publicar un comentario