Sormena Haur Hezkuntzan: Zer da sormena niretzako?

Galdera honi erantzuteko, beste galdera batetatik hasiko naiz:

Sormena behar bezala baloratzen dugu? Galdera hau munduan zehar luzatuko bagenu, erantzuna baiezkoa izango litzatekeelakoan nago. Baina gai honen inguruan sakonduko bagenu, konturatuko ginateke nola sormena mundu txiki batera murrizten den, artistaren mundura: margolariak, musikagileak, …

Izan ere, betidanik, sortzaile handiak izan ditugu mundutik, gurpila asmatu zuena, lurrin makina egin zuena, Beethoven, Leonardo Da Vinci, txupa-txusari makila jarri ziona…

Baina oraindik ere, gaur egun, ez gara jabetu sormena gure inteligentzia ugarietako bat denik eta garrantzizkoa dela hau garatzea eta erabiltzea, bai eskolan, bai etxean zein bizitza osoan zehar. Bizitzari aurre egiteko zein lanerako, guztiok izan beharko ginateke irudimentsuak. Izan ere, gobernatzaileek, bankariak, exekutiboak… haien sormena garatu izan balute,beharbada, orain ez ginateke krisi honen barruan aurkituko eta batez ere, ditugun errekurtsoei probetxu gehiago aterako genieke.

Baina zoritzarrez, gaur egun, sormena ez da behar bezala baloratzen. Gainera, esan beharra dago, gutxi baloratzeaz gain, askotan akabatu egiten dugula. Txikiak garenetik, etxean zein eskolan, bide berdinetik eramaten gaituzte guztioi eta soilik txalokatzen gaituzte gizartean baloratzen dena egitean, hau da, adimen intelektuala garatzean. “Zein ondo! Irakurri egiten du!. Zein ondo!lerrotik atera gabe margotzen du!

Beraz honi erantzun bat emateko, txipa aldatu beharko genuke. Ez da esaten jainkoa izan zela sortzailerik handiena? Ba izan gaitezen guztiok pixkatxo bat jainkoa!! Ez daitela bakarra egon!!

Amaitzeko, argi geratzearren, sormena, sortzearen gaitasuna da, zerbait berria eta baliotsua sortzearen ahalmena, konklusio berrietara heltzeko erraztasuna eta batez ere, arazoak ebazteko orduan, modu original batean aurre egitean datza.